Аб выступе на 52-й сесіі Савета па прамысловым развіцці ЮНІДА
26.11.2024 г.26 лістапада г.г. у ходзе 52-й сесіі Савета па прамысловым развіцці ЮНІДА пастаянны прадстаўнік Беларусі пры міжнародных арганізацыях у Вене Андрэй Дапкюнас выступіў з сумеснай заявай ад імя дзяржаў – аднадумцаў з асуджэннем практыкі прымянення аднабаковых прымусовых мер (АПМ).
Разам з Беларуссю суаўтарамі заявы сталі Венесуэла, Іран, Кітай, КНДР, Куба, Нікарагуа, Палестына, Расія, Сірыя і Судан.
Аўтары заявы выказалі сур'ёзную заклапочанасць і катэгарычнае непрыманне АПМ, ахарактарызавалі іх як нелегітымныя і супрацьпраўныя. У заяве адзначаецца, што АПМ з экстэрытарыяльным ужываннем сталі беспрэцэдэнтнымі і ўяўляюць сабой істотнае парушэнне міжнароднага права, у тым ліку Статута ААН. Такія меры, як забарона на прыём сельскагаспадарчых грузаў у партах некаторых дзяржаў, забарона на імпарт і транзіт угнаенняў ствараюць перашкоды для сацыяльнага-эканамічнага развіцця краін і падрываюць глабальную харчовую бяспеку.
Дзяржавы-аднадумцы заклікалі дзяржавы – члены ЮНІДА рашуча асудзіць АПМ, не прызнаваць гэтыя меры і не прымяняць іх, а таксама прыняць эфектыўныя меры па супрацьдзеянні экстэрытарыяльнаму прымяненню або ўздзеянню AПМ.
