Беларусь — Славенія

Дыпламатычныя адносіны паміж Рэспублікай Беларусь і Рэспублікай Славенія устаноўлены 23 ліпеня 1992 г.

Дыпламатычная прысутнасць Беларусі ў Славеніі ў 2008-2019 гг. ажыццяўлялася праз Пасольства Беларусі ў Венгрыі. З лютага 2019 г. інтарэсы Беларусі ў Славеніі прадстаўляе Пасольства Рэспублікі Беларусь у Вене.

У Рэспубліцы Беларусь па сумяшчальніцтве акрэдытаваны Пасол Славеніі ў Расійскай Федэрацыі.

У Мінску і Любляне дзейнічаюць офісы ганаровых консулаў Славеніі і Беларусі.

Дагаворна-прававая база двухбаковых адносін паміж Беларуссю і Славеніяй уключае 9 пагадненняў.

У рамках двухбаковага палітычнага дыялогу ў 2009-2010 і 2016-2017 гадах адбыўся абмен візітамі на ўзроўні кіраўнікоў знешнепалітычных ведамстваў, прайшлі кансультацыі паміж МЗС дзвюх краін на ўзроўні намеснікаў міністраў, а таксама пасяджэнні міжурадавай Беларуска-славенскай камісіі па гандлёва-эканамічным і навукова -тэхнічным супрацоўніцтве.

Прыярытэтнымі напрамкамі эканамічнага супрацоўніцтва з'яўляюцца энергетыка, будаўніцтва, машынабудаванне, сельская гаспадарка, тэлекамунікацыі, турызм.

Развіваюцца беларуска-славенскія гуманітарныя кантакты. З 2012 года групы беларускіх дзяцей з пацярпелых ад аварыі на ЧАЭС рэгіёнаў штогод праходзяць аздараўленне на адрыятычным ўзбярэжжы ў рамках праекта, які рэалізуецца фондам «ITF Enhancing Human Security» (ITF) і Славенскім чырвоным крыжам пры падтрымцы МЗС Славеніі. Супрацоўніцтва ў гэтай галіне ажыццяўляецца ў адпаведнасці з міжурадавым пагадненнем аб умовах аздараўлення беларускіх непаўналетніх грамадзян у Рэспубліцы Славенія.

У рамках двухбаковых культурных сувязяў неаднаразова прымалі ўдзел у прэстыжным люблянская фестывалі вядомыя беларускія творчыя калектывы дзяржаўны ансамбль танца «Харошкі», Камерны аркестр Рэспублікі Беларусь.

Актыўна ўзаемадзейнічаюць беларускія і славенскія тэатры. Славенскія калектывы неаднаразова ўдзельнічалі ў тэатральных фестывалях у Беларусі. У Славеніі з поспехам праходзяць гастролі беларускіх тэатраў.

Ўсталяваныя кантакты паміж Нацыянальнай бібліятэкай Беларусі і Нацыянальнай і Універсітэцкай бібліятэкай Славеніі.

Умацоўваюцца сувязі паміж адукацыйнымі ўстановамі дзвюх краін. Дзейнічае Пагадненне аб супрацоўніцтве паміж Інстытутам бізнесу і менеджменту тэхналогій Беларускага дзяржаўнага ўніверсітэта і Факультэтам эканомікі Універсітэта г.Любляны.

Каранцінныя абмежаванні і негатыўныя тэндэнцыі ў беларуска-еўрапейскім дыялогу аказваюць стрымальны ўплыў на ўзаемадзеянне Беларусі і Славеніі.