Аб удзеле дэлегацыі Беларусі ў агляднай нарадзе Канвенцыі аб ядзернай бяспецы

З 20 па 31 сакавіка 2023 г. у міжнародным цэнтры ў Вене (Аўстрыя) праходзіць сумеснае восьмае і дзевятае пасяджэнне дагаворных бакоў па разглядзе выканання Канвенцыі аб ядзернай бяспецы.

Канвенцыя была заключана пад эгідай МАГАТЭ ў 1994 годзе. Яе бакамі з’яўляюцца 90 дзяржаў і Еўраатам. Беларусь з'яўляецца ўдзельнікам гэтага міжнароднага дагавора з 1998 года і ўдзельнічае ва ўсіх аглядных нарадах. Такія нарады праводзяцца раз у тры гады, каб разгледзець нацыянальныя справаздачы аб выкананні ўзятых міжнародных абавязацельстваў і садзейнічаць умацаванню ядзернай бяспецы ў свеце шляхам канструктыўных абменаў меркаваннямі. У 2020 годзе аглядная нарада не праводзілася з-за пандэміі каранавіруса, таму сёлетняе сумеснае пасяджэнне ахоплівае два аглядныя перыяды.

Беларускую дэлегацыю на нарадзе ўзначальвае кіраўнік дэпартамента па ядзернай і радыяцыйнай бяспецы Міністэрства па надзвычайных сітуацыях Вольга Лугаўская. У склад дэлегацыі Беларусі таксама ўваходзяць прадстаўнікі міністэрстваў энергетыкі, аховы здароўя, замежных спраў, Нацыянальнай акадэміі навук і Беларускай АЭС.

Тэкст нацыянальнага дакладу Беларусі аб выкананні абавязацельстваў па Канвенцыі аб ядзернай бяспецы (на англійскай і рускай мовах) размешчаны ў адкрытым доступе на сайце дэпартамента па ядзернай і радыяцыйнай бяспекі Міністэрства па надзвычайных сітуацыях.

Версія для друку