Намеснік Міністра Ігар Сакрэта сустрэўся з актывам Аўстрыйска-беларускага таварыства
18.06.2026 г.18 чэрвеня 2026 г. намеснік Міністра замежных спраў Рэспублікі Беларусь Ігар Сакрэта сустрэўся ў Вене з актывам Аўстрыйска-беларускага таварыства і яго новым старшынёй Дытэрам Райнішам, аўтарытэтным аўстрыйскім гісторыкам і журналістам.
Сяброўская сустрэча адбылася ў Пасольстве Беларусі. Ігар Сакрэта адзначыў поспехі і дасягненні таварыства, якое ў бягучым годзе адзначае сваё дваццацігоддзе і ўвесь гэты час заставалася надзейнай апорай узаемаразумення і шчырага дыялогу паміж народамі дзвюх краін.
Намеснік Міністра ўручыў заснавальніку і ганароваму старшыні таварыства прафесару Петэру Бахмаеру Ганаровую грамату Міністэрства замежных спраў у знак удзячнасці за яго шматгадовыя заслугі ва ўмацаванні беларуска-аўстрыйскага сяброўства.
