Аб сустрэчы намесніка Міністра І.Сакрэты з Выканаўчым сакратаром АДУЗЯВ
26.06.2025 г.26 чэрвеня 2025 г. адбылася сустрэча намесніка Міністра замежных спраў Рэспублікі Беларусь Ігара Сакрэты з Выканаўчым сакратаром Арганізацыі па Дагаворы аб усёабдымнай забароне ядзерных выпрабаванняў (АДУЗЯВ) Робертам Флойдам.
У ходзе сустрэчы суразмоўцы адзначылі плённы характар шматгадовага супрацоўніцтва Беларусі з АДУЗЯВ і абмеркавалі канкрэтныя напрамкі пашырэння далейшага ўзаемадзеяння, уключаючы арганізацыю сумесных мерапрыемстваў.
І. Сакрэта падкрэсліў, што Беларусь з'яўляецца актыўным і паслядоўным удзельнікам глабальных намаганняў у галіне ядзернага раззбраення і нераспаўсюджвання і пацвердзіў падтрымку Беларусі ўніверсалізацыі АДУЗЯВ, забеспячэння ўсёабдымнай забароны на ядзерныя выпрабаванні, умацаванне рэжыму кантролю і глабальнага ядзернага нераспаўсюджвання, фізічнай ядзернай бяспекі.
І. Сакрэта і Р. Флойд з задавальненнем адзначылі, што Беларусь з'яўляецца актыўным удзельнікам мерапрыемстваў, якія праводзяцца ў рамках АДУЗЯВ, і ўносіць важкі ўклад у працу гэтай міжнароднай арганізацыі.
І. Сакрэта падзякаваў АДУЗЯВ за падтрымку, якая аказваецца Рэспубліканскаму цэнтру кіравання і рэагавання на надзвычайныя сітуацыі Міністэрства па надзвычайных сітуацыях Беларусі, уключаючы пастаўку на бязвыплатнай аснове вылічальнага абсталявання.
І. Сакрэта запрасіў Выканаўчага сакратара Р. Флойда наведаць з візітам Беларусь і прыняць удзел у трэцяй Мінскай міжнароднай канферэнцыі па еўразійскай бяспецы.
