Аб сустрэчы пасла Беларусі А. Дапкюнаса з дзяржаўным сакратаром МЗС Славакіі
21.11.2025 г.У Браціславе 20 лістапада 2025 года адбылася сустрэча пасла Беларусі ў Славакіі з дзяржаўным сакратаром (першым намеснікам міністра) МЗС Славакіі Марэкам Эштакам.
Суразмоўцы засведчылі ўзаемную зацікаўленасць урадаў Беларусі і Славакіі ў развіцці здаровых, узаемакарысных дачыненняў, у т.л. у галіне гандлю, эканомікі, адукацыі, культуры, народнай дыпламатыі.
Дзяржаўны сакратар і пасол падкрэслілі важнасць узаемнага прызначэння ў 2025 годзе амбасадараў у Браціславу і Мінск, а таксама нядаўняга рашэння Беларусі аб адкрыцці амбасады ў Браціславе як важкага знаку сур’ёзнасці намеру дзвюх краінаў на аднаўленне ранейшага ўзроўню адносінаў.
Беларускі і славацкі дыпламаты сышліся ў думцы аб выключнай вартасці і неабходнасці паважлівага міждзяржаўнага дыялогу для пошуку шляхоў нармалізацыі сітуацыі ў Еўропе на прынцыпах міру і добрасуседзтва.
А. Дапкюнас і М. Эштак абмеркавалі магчымыя наступныя крокі Беларусі і Славакіі па паступоваму развіццю комплекснага супрацоўніцтва паміж дзвюма краінамі.
