Беларусь прыняла ўдзел у міжнародным форуме ў Вене па супрацьдзеянні транснацыянальнай злачыннасці ва ўмовах шматпалярнага свету
15.10.2024 г.У Венскім міжнародным цэнтры (Аўстрыя) 15 кастрычніка г.г. прайшоў тэматычны форум «Актуальныя праблемы арганізацыі міжнароднага ўзаемадзеяння па супрацьдзеянні транснацыянальнай злачыннасці ва ўмовах шматпалярнага свету», арганізаваны Расійскай Федэрацыяй.
Тэматычны форум адбыўся на палях 12-й сесіі Канферэнцыі краін-удзельніц Канвенцыі ААН супраць транснацыянальнай арганізацыі, якая праходзіць у Вене з 14 па 18 кастрычніка г.г. У тэматычным мерапрыемстве прынялі ўдзел прадстаўнікі дыпламатычных місій, акрэдытаваных пры Аддзяленні ААН у Вене, ўдзельнікі нацыянальных дэлегацый на канферэнцыі, прадстаўнікі міжнародных і няўрадавых арганізацый.
З дакладамі ў ходзе дыскусіі выступілі намеснік Міністра ўнутраных спраў Расійскай Федэрацыі І. Зубаў, намеснік дырэктара дэпартамента стратэгічнага аналізу і сувязяў з грамадскасцю Упраўлення ААН па наркотыках і злачыннасці Жан-Люк Лемае, начальнік Галоўнага ўпраўлення па наркакантролі і супрацьдзеянні гандлю людзьмі МУС Беларусі А. Сільвестравіч, саветнік Міністра замежных спраў Венесуэлы Д. Секуэра, прадстаўнік па сувязях з паліцыяй пастаяннага прадстаўніцтва Кітая пры міжнародных арганізацыях у Вене Лі Сюйчэнь.
Удзельнікі тэматычнага мерапрыемства ўсебакова разгледзелі праблемы, якія ўзнікаюць у міжнародным супрацоўніцтве пры рэалізацыі Канвенцыі ААН супраць транснацыянальнай арганізаванай злачыннасці, і магчымыя формы і напрамкі сумеснай далейшай працы па супрацьдзеянні міжнароднай злачыннасці.
А. Сільвестравіч інфармаваў аб намаганнях Міністэрства ўнутраных спраў па развіцці міжнароднага супрацоўніцтва ў барацьбе з транснацыянальнай арганізаванай злачыннасцю ў сучасных умовах.
А. Сільвестравіч акцэнтаваў на негатыўным уплыве міжнароднага палітычнага парадку на эфектыўнасць міжнароднага супрацоўніцтва праваахоўных органаў і неабходнасці актывізацыі міжнароднага дыялогу па розных аспектах міжнароднай бяспекі.
У мэтах наладжвання адэкватнага ўзніклым пагрозам, зацікаўленага дыялогу паміж дзяржавамі «ў духу Сан-Францыска»
А. Сільвестравіч запрасіў усе зацікаўленыя бакі на міжнародныя тэматычныя канферэнцыі, якія арганізуюцца Беларуссю — Другую міжнародную канферэнцыю па пытаннях забеспячэння Еўразійскай бяспекі (31 кастрычніка – 1 лістапада 2024 г.) і Міжнародную канферэнцыю «Меры, якія прымаюцца ў Рэспубліцы Беларусь па супрацьдзеянні нелегальнай міграцыі, і найлепшыя практыкі ў прасоўванні рэгіянальнага супрацоўніцтва ў вырашэнні гэтай праблемы» (15 лістапада 2024 г.).
