Аб удзеле дэлегацыі Беларусі ў сесіі Камісіі ААН па папярэджанні злачыннасці і крымінальным правасуддзі
16.05.2022 г.16 – 20 траўня г.г. праходзіць 31-я сесія Камісіі ААН па папярэджанні злачыннасці і крымінальным правасуддзі. У працы Камісіі ўдзельнічае звыш ста дэлегацый дзяржаў-сябраў ААН, міжурадавых і няўрадавых арганізацый.
Беларусь на сесіі камісіі прадстаўлена дэлегацыяй на чале з Пастаянным прадстаўніком Рэспублікі Беларусь пры міжнародных арганізацыях у Вене. У склад дэлегацыі ўваходзяць прадстаўнікі Генеральнай пракуратуры Рэспублікі Беларусь.
У агульнай дыскусіі на сесіі камісіі 16 траўня г.г. з відэазваротам выступіў намеснік Генеральнага пракурора Рэспублікі Беларусь М. Варонін.
У сваім выступе М. Варонін інфармаваў аб крымінагеннай сітуацыі ў Беларусі і аб мерах па папярэджанні і барацьбе са злачыннасцю. Ён падкрэсліў неабходнасць узмацнення міжнароднага супрацоўніцтва ў барацьбе з сучаснымі выклікамі, захаванне прынцыпаў раўнапраўнага дыялогу і ўзаемнага даверу.
М. Варонін прыцягнуў увагу ўдзельнікаў сесіі да праблем павелічэння незаконнай міграцыі і гандлю людзьмі, а таксама да намаганняў Беларусі па аказанні гуманітарнай падтрымкі ўцекачам, у тым ліку якія прыбылі ў Беларусь з тэрыторыі Украіны.
