Аб удзеле Беларусі ў сесіі Камітэта ААН па выкарыстанні касмічнай прасторы ў мірных мэтах
07.06.2022 г.У Вене 1-10 чэрвеня г.г. праходзіць 65-я сесія Камітэта ААН па выкарыстанні касмічнай прасторы ў мірных мэтах. У працы Камітэта ўдзельнічае больш за 100 дэлегацый дзяржаў-членаў ААН, міжурадавых і няўрадавых арганізацый.
У склад беларускай дэлегацыі на сесіі ўваходзяць прадстаўнікі Нацыянальнай акадэміі навук Беларусі і пастаяннага прадстаўніцтва Рэспублікі Беларусь пры міжнародных арганізацыях у Вене.
У рамках агульнага абмену думкамі 6 чэрвеня г.г. на сесіі Камітэта адбылося выступленне беларускай дэлегацыі на тэму «Нацыянальная касмічная праграма: маніторынг, экалогія, адукацыя».
Удзельнікі сесіі праінфармаваны аб даследаванні і выкарыстанні касмічнай прасторы ў Беларусі, аб эксплуатацыі Беларускай касмічнай сістэмы дыстанцыйнага зандзіравання Зямлі і перспектывах яе развіцця, уключна са стварэннем расійска-беларускага касмічнага апарата высокадэтальнай здымкі і, на яго аснове, расійска-беларускай касмічнай сістэмы.
У выступленні адзначана дзейнасць Камітэта як прыклад паспяховага ўзаемадзеяння дзяржаў у ААН для пошуку калектыўных рашэнняў.
