Аб падпісанні ў Вене праграмы супрацоўніцтва Беларусі з ЮНІДА
10.12.2020 г.
10 снежня 2020 г. у штаб-кватэры Арганізацыі Аб'яднаных Нацый па прамысловым развіцці (ЮНІДА) у Вене адбылася цырымонія падпісання рамкавай праграмы супрацоўніцтва паміж Урадам Рэспублікі Беларусь і ЮНІДА. Свае подпісы пад дакументам паставілі пастаянны прадстаўнік Беларусі пры міжнародных арганізацыях у Вене Андрэй Дапкюнас і генеральны дырэктар ЮНІДА Лі Ёнг.
Новая рамкавая праграма супрацоўніцтва з ЮНІДА прыйшла на змену праграме, якая дзейнічала з 2013 года. Яна будзе вызначаць напрамкі далейшага пашырэння ўзаемадзеяння і сумеснай працы Беларусі і ЮНІДА з улікам нацыянальных прыярытэтаў сацыяльна-эканамічнага развіцця краіны. Новая праграма разлічана на пяць гадоў і можа быць падоўжана на далейшы перыяд.
Сімвалічна, што падпісанне праграмы супрацоўніцтва адбылося ў дзень, калі 40 гадоў таму ў Нью-Ёрку Беларусь паставіла свой подпіс пад Статутам ЮНІДА і ўвайшла ў лік краін-заснавальніц гэтага спецыялізаванай установы ААН.
На працягу ўсяго часу ўзаемадзеяння з ЮНІДА Беларусь паслядоўна падтрымлівае ўмацаванне вядучай ролі ЮНІДА ў садзейнічанні ўсёахопнаму і ўстойліваму індустрыяльнаму развіццю дзяржаў свету, выкарыстоўвае экспертны патэнцыял і магчымасці арганізацыі для павышэння канкурэнтаздольнасці і экалагічнасці сваіх вытворчасцяў, пашырэння выкарыстання сучасных тэхналогій і стандартаў.
Толькі за апошнія гады ў Беларусі паспяхова завершаны значныя сумесныя праекты па мадэрнізацыі прадпрыемстваў-вытворцаў кампанентаў для аўтамабільнага сектара, падтрымкі прадпрыемстваў харчовай прамысловасці і перапрацоўкі прадукцыі раслінаводства.
Яскравым актуальным прыкладам выніковага супрацоўніцтва Беларусі з ЮНІДА з'яўляецца паспяховае ажыццяўленне Нацыянальным цэнтрам рэсурсаэфектыўнай і болей чыстай вытворчасці сумесна з ЮНІДА і з удзелам міжнародных донараў і рэгіянальных партнёраў праекту тэхнічнай дапамогі “Эканоміка замкнёнага цыклу і новыя магчымасці росту”.
Сёлета Беларусь таксама падпісала новы праект тэхнічнага супрацоўніцтва з ЮНІДА, які накіраваны на выкарыстанне патэнцыялу чацвёртай прамысловай рэвалюцыі і разумнай вытворчасці, на агульную суму 1 млн. долараў ЗША. Ажыццяўленне праекту распачнецца ў бліжэйшы час і стане першым практычным крокам у рэалізацыі новай праграмы супрацоўніцтва с ЮНІДА.
